KARONGI/LIVE: Babifashijwemo na World Relief,abanyakarongi biyemeje kugira uruhare muri gahunda ya –SINDOHOKA!

RUBENGERA:Kuri uyu wa 13 Nyakanga 2021 muri sale y’urubyiruko y’Akarere ka Karongi hatangiye amahugurwa y’Abafashamyumvire mu ngeri zitandukanye bazahugura abandi mubijyanye no gukumira ikwirakwizwa ry’ubwandu bwa Covid 19 yigeze no kuyogoza aka karere k’Intara y’Uburengerazuba,ariko kuri ubu dukurikije amakuru atangwa n’inzego z’ubuzima i Karongi imibare ikaba igenda igabanuka.

Ishobora kuba ari ishusho rya Umuntu 1 na ahagaze — ***Madame Sonia Karibagiza (World Relief) na Bwana Nicolas Karasanyi (Akarere Karongi),nibo bafunguye aya mahugurwa***

Ishobora kuba ari ishusho rya mu nzu — ***SCOPE Covid -19 ni umushinga ushyirwa mu bikorwa na World Relief bivuye kuri USAID ukaba ukorera mu turere nka Karongi***

Ishobora kuba ari ishusho rya umuntu umwe cyangwa benshi, abantu bahagaze na mu nzu

Ni amahugurwa yafunguwe ku mugaragaro na Karasanyi Nicolas umukozi w'akarere ushinzwe imirimo y'inama njyanama wari uhagarariye umuyobozi w'akarere,akaba ari bumare iminsi itatu nk'uko byatangajwe na Karibagiza Sonia umuyobozi w'umushinga SCOPE COVID-19 ushyirwa mu bikorwa na World Relief.

Ishobora kuba ari ishusho rya abantu 3, abantu bicaye na mu nzu — ***Abantu basanga mirongo itandatu bavuye mu bavuga rikijyana nibo bahuguwe kumunsi wa mbere***

Abahuguwe ni abahagarariye abandi barimo inzego z’urubyiruko,abikorera ku giti cyabo,abanyamakuru bakorera muri kano karere ka Karongi n’abandi bafite aho bahurira n’ingeri zitandukanye z’abaturage nk’urubyiruko rw’abakorerabushake,abashinzwe isuku n’isukura mu mirenge itandukanye igize Karongi,Koperative z’Abamotari muri Karongi,abahagarariye abanyeshuri mu bigo by’amashuri,Koperative z’abatawara abagenzi ku magare mu karere ka Karongi,ukuriye urugaga rw’Abikorera mu karere ka Karongi,Koperative y’Abasare,Koperative y’Abarobyi,abahanzi n'abandi.

Ishobora kuba ari ishusho rya umuntu umwe cyangwa benshi na abantu bahagaze — ***Aba bose bakaba bageraga kuri 60 nk'uko amakuru www.Kimelive.com yahawe n’abateguye iki gikorwa.Aba bose bakazafasha imyumvire***

Ku munsi wa mbere habayeho kubanza #Kwipimisha Covid 19,hanyuma ibiganiro bikomeza kuyoborwa n’umukozi ukora mu ishami ry'ubuzima mu karere ka Karongi y'umwihariko akaba afite mu nshingano kurwanya Covid-19 Bwana Bihira Innocent ndetse na Mushimiyimana Samuel ushinzwe itangazamakuru mu karere ka Karongi.

Ishobora kuba ari ishusho rya abantu 2, abantu bicaye, abantu bahagaze na mu nzu — ***Uhereye imbere Samuel na Innocent bahuguye abitabiriye bakaba basanzwe bakurikirana amakuru mu karere ka Karongi***

Nyuma amatsinda yaje kuganira ku cyo bagiye gukora mu gukumira iki cyorezo,aho biteguye kuba intangarugero mu kubahiriza amabwiriza yashyizweho mu rwego rwo kwirinda Covid-19.