NKUMBA|LIVE:Mu mafoto reba uko 436 barishoje-ITORERO RYA BA GITIFU!

ITORERO:Abanyamabanga Nshingwabikorwa bose b’Intara, Uturere n’Imirenge basoje Itorero ryiswe Isonga bari bamazemo icyumweru batorezwa mu Kigo cy’Ubutore cya Nkumba kiri mu Karere ka Burera.Bamwe mu bitabiriye iri torero bemeza ko uyu wababereye umwanya mwiza wo kongera kuganira no kwibukiranya inshingano zabo n’urugamba rubategereje rwo guteza imbere abaturage.Abanyamabanga Nshingwabikorwa bitabiriye itorero ni 436 barimo ab’Imirenge, Uturere, Intara n’Umujyi wa Kigali.

Story by Kalain NGANJI Patrick

ba Banyamabanga Nshingwabikorwa batangiye Itorero ku Cyumweru, tariki 26 Ugushyingo 2023, risozwa ku mugaragaro ku wa Gatanu, tariki 1 Ukuboza 2023, abaryitabiriye basabwa kuba moteri y’iterambere ry’ubukungu n’imibereho myiza y’abaturage banoza imikorere n’imitangire ya serivisi bashyira umuturage ku isonga.

Minisitiri w’Ubutegetsi bw’Igihugu, Musabyimana Jean Claude, wasoje iri torero yibukije izi ntore ko iterambere igihugu gikeneye ritagerwaho hatabayeho ubufatanye, abibutsa uruhare rwabo mu bikorwa biteza imbere abaturage.

Yagize ati “Icyerekezo 2050 u Rwanda rwihaye gisaba abayobozi bumva neza icyerekezo cy’igihugu, bafite imyumvire itandukanye n’ejo hashize. Turizera ko ibyo mwasangiriye hano bitazaba amasigaracyicaro ahubwo mugiye kubigeza ku bo muyoboye kugira ngo habeho impinduka zikenewe. Turabizeza ko ibyo mwasabye tugiye kubiganiraho n’izindi nzego kandi twabonye ari byiza kandi bishoboka.”

Yakomeje ati “Tugiye gushyiraho itsinda rizobereye rizadufasha gukurikirana ibyo twiyemeje ndetse n’igihe twihaye tumenye ngo hasigaye ibihe, hakozwe ibihe? Aba bakoze neza ni ingero nziza z’ibishoboka. Inshingano zacu si ukugaragaza ibibazo gusa ahubwo ni ugufatanya tukazana n’ibisubizo.”

Bamwe mu bitabiriye iri torero bemeza ko uyu wababereye umwanya mwiza wo kongera kuganira no kwibukiranya inshingano zabo n’urugamba rubategereje rwo guteza imbere abaturage.

Umunyamabanga Nshingwabikorwa w’Umurenge wa Muko mu Karere ka Musanze, Bisengimana Janvier, yagize ati “Iri torero ryatubereye umwanya mwiza wo kuganira no gusangizanya ubunararibonye. Twahigiye byinshi ku buryo icyo tugiye gushyira imbere ari ugufatanya n’abaturage ndetse no kubafasha gukemura ibibazo byabo.”

“Tugiye gushyira ikibatsi mu byo dukora ariko twahize ko tugiye gufasha abaturage bakiri mu bukene kubuvamo dufatanyije n’abandi bafatanyabikorwa ku buryo mu myaka ibiri bizaba byakemutse. Tugiye gufasha kandi abaturage nageze igihe cyo gufatanda indangamuntu na byo bizagera mu kwa kabiri byararangiye.”

Umunyamabanga Nshingwabikorwa w’Umurenge wa Rusororo, Dr Umuhoza Rwabukumba, yavuze ko iri torero ryabaye umwanya mwiza wo gukora imikorongiro n’andi masomo atandukanye.

Ati “Impanuro n’ubutumwa twaherewe muri iri torero byaranyuze kandi nahigiye byinshi. Tugiye kujya gukemura ibibazo by’abaturage badasiragijwe, kwihutisha serivisi z’irangamimerere, gukoresha ikoranabuhanga.”

Iri torero ryari rifite insanganyamatsiko igira iti “Umuturage afashwe kwivana mu bukene we ubwe afashe iya mbere.” Aba Banyamabanga Nshingwabikorwa bishatsemo ubushobozi bagurira inka eshanu imiryango itishoboye yo mu Karere ka Burera.

Bamwe mu bagabiwe izi nka, bashimiye umutima mwiza bagize na bo bizeza ababafashije ko bagiye guheraho bakiteza imbere.

Uwimana Evariste yagize ati “Iyi nka mpawe ndayishimiye cyane ngiye kuyorora neza inteze imbere kuko igiye kumpa ifumbire nabonaga ari uko ndiguze sineze neza; izampa amata umuryango wanjye uyanywe n’abaturanyi banyweho kandi izabyara inteze imbere. Mudushimirire Perezida wacu Paul Kagame nimumugeraho ngo inka twayibonye twishimye ubu tugiye kwiteza imbere.”

Imibare igaragaza ko Abanyarwanda 38,2% bari mu bukene mu gihe 16% bari mu bukene bukabije.

MU MAFOTO ATANDUKANYE DORE UKO ITOREREO RYASHOJWE KUMUGARAGARO\Igihe

Abanyamabanga Nshingwabikorwa biyemeje gushyira ikibatsi mu kazi kabo ka buri munsi

Imiryango itanu itishoboye yahawe inka

Zimwe mu nka zatanzwe na ba gitifu bagamije gufasha abaturage kwikura mu bukene

Minisitiri w’Ubutegetsi bw’Igihugu, Musabyimana Jean Claude, yasabye ba gitifu kongera imbaraga mu byo bakorera abaturage

Abayobozi batandukanye bitabiriye isozwa ry’iri torero

Please follow and like us:
Pin Share

Leave a Reply

Your email address will not be published. Required fields are marked *

YouTube